Monday, November 29, 2010
kambaKHt dil ko chain nahiN hai, kisi tarah
na taab hijr me hai, na aaraam wasl me,
kambaKHt dil ko chain nahiN hai, kisi tarah
Sunday, November 28, 2010
Maza Kis me hai?jalne me ya jalane me.
Na mila dil ka qadardan is Zamane me,
Ye rishta toot gaya Dekhne aur Dikhane me,
sochtay hain ek Roz Shama se pochen,
Maza Kis me hai?jalne me ya jalane me.....
Saturday, September 18, 2010
mohabbat ka nasha
Kuch mohabbat ka nasha tha pehle hum ko Faraz.
Dil jo tuta to nashe se muhabat ho gai.
Sunday, September 12, 2010
Hum Ahl-e-muhabbat
Kaanton Se Guzar Jaanaa Sholon Se Nikal Jaanaa Phuulon Kii Bastii Main Jaanaa To Sambhal Jaanaa
Din Apne Chiraaghon Ki Maanind Guzarte Hain Har Subah Ko Bujh Jaanaa Har Shaam Ko Jal Jaanaa
Bachchon Ki Si Fitrat Hai Hum Ahl-e-muhabbat Ki Zid Karnaa Machal Jaanaa Phir Khud Hi Sambhal Jaanaa
Vo Shakhs Bhalaa Mera Kyaa Saath Nibhaayegaa Maus
am Ki Tarah Jis Ne Siikhaa Hai Badal Jaanaa
Monday, September 6, 2010
har qadam par nit naye saaNche
har qadam par nit naye saaNche mey Dhal jaate hai.n log
dekhte he dekhte kitne badal jaate hai.n log
Sunday, September 5, 2010
apni adaon pe zara ghour karain
Aap hi apni adaon pe zara ghour karain faraz,
Hum agar arz karain ge to shikayat hogi.
Hum agar arz karain ge to shikayat hogi.
Saturday, September 4, 2010
zahey naseeb keh tum sa mila hey dost
zahey naseeb keh tum sa mila hey dost
verna dard ki lazzat se na ashna rehtey
Monday, August 30, 2010
badal jaatay hain insaan
younhi mosam ki adaa daikh k yaad aaya hay
kis qadar jald badal jaatay hain insaan jana
Saturday, August 28, 2010
bas itna he kaha tha :)
Usay bas itna he kaha tha ke barso sa hum pyase hai saqi,
Us nay Honton pay rakh ke Hont mujhy khamoash kar diya
Sunday, July 25, 2010
pathar ke ho gaye....
Log muntazir they ke mujhe toot’ta dekhein Faraz
aur hum zabt karte karte pathar ke ho gaye.
Saturday, July 24, 2010
Akela Waris Hon Main Uskii Nafraton ka Faraz
Akela Waris Hon Main Uskii Nafraton ka Faraz
Jo Shaks Saare Shehr Men Pyaar Baant’ta hai..
Friday, July 23, 2010
Kuch is tarah nazar andaaz ho gay Faraz...
Kuch is tarah nazar andaaz ho gay Faraz
Jesay izafi hurf thay hum teri zindgi ki kitaab me..
Thursday, July 22, 2010
ye shab-e-firaq ye bebasii hain qadam qadam pe udaasiyaan ....
ye shab-e-firaq ye bebasii hain qadam qadam pe udaasiyaan
meraa saath koii na de sakaa merii hasaraten hain dhuaan dhuaan
Wednesday, July 21, 2010
Juda huye hain kayi log ......
Khulus o Meher o Wafa log kar chuke hain bohot
Mere khayal me ab aur koi kaam karen
Juda huye hain kayi log ek tum bhi sahi
Ab itni si baat pe kya Zindigi haram karen..
Tuesday, July 20, 2010
Gum ki jageer...
Ghum ki jaageer wiraasat mein mili hai Mujh ko
Apni Jaageer mein rehta hoon Nawaabon ki tarah
Sunday, July 18, 2010
daman bhi daba rakha hai.
tohkarein maar ke mehfil se uthatey hain mujhe
aur ek pawon se daman bhi daba rakha hai.
Sunday, July 11, 2010
dost ya dushman ?
yah dosto'n ka ravaiyya, yah dushmano'n ka salook
jo mujh se poochho to dono mein koee farq nahee'n
Saturday, July 10, 2010
khusioun ka dour bhi kabhi aa jaye ga 'faraz'
khusioun ka dour bhi kabhi aa jaye ga 'faraz'
gham bhi tu mil gaye hain tamana kiye begair
gham bhi tu mil gaye hain tamana kiye begair
Monday, May 17, 2010
Another pearl from Faraz,
Bohat ajeeb hen yeh bandishen Muhabbat ki Faraz
Na us ne qaid me rakha na hum farar huway...
Thursday, May 13, 2010
Rok lena mera ..
harf e ilzaam banu ya dua ho jaaon
kash!!! main kabhie teray hounton se adaa ho jaaon
rok lena mera haath pakar kar mujhko
baykhayaali main agar tujh se juda ho jaaon
Wednesday, May 12, 2010
Aisi sharaab
Aisi sharaab mujhae aye parwar digaar dae
jo meray dil ki doobti kashti oobaar dae
jo charhae to sari umer charhi rahae
jo ootray toh zindagi ka nasha bhi ootar dae
Tuesday, May 11, 2010
Dil kisi hal pe maanne hi nahin
Dil vo bemehar ki rone ke bahane maNge
Apana ye haal ke jee haar chuke luT bhi chuke
Aur muhabbat vahi andaz purane maNge
Ham na hote to kisi aur ke charche hote
Khalqat-e-shahar to kehane ko fasane maNge
Dil kisi hal pe maanne hi nahin jan-e-`Faraz`
Mil gaye tum bhi to kya aur na jane maNge
Friday, May 7, 2010
andesha to pehli he mulaqaat se tha
mujh se mukhlis na waqif mere jazbaat se tha
us ka rishta to faqat apne mafadaat se tha
ab jo bichra hai to kiya roe judaie pe teri
yea andesha to pehli he mulaqaat se tha
Thursday, May 6, 2010
Pehli Bauchaar !!
A ode to the weather today and for a friend to cheer up !
OOmas se mat himmat haar
Le paD gayii, pehlii baucHaar
Hariyaali ke swaagat mein
Toofaan ka saadar sweekaar
Sarwar nadi sabko mat laa
Naachein - jhoom, hilorein maar
Daanaa paanii walon se
keh, jaan - apne bhandaar
Maruthal tak pahunchaanii hai
Maidaan kii barsaatii dhaar
Shehron mein bhii laanii hai
Gaanvon kii, atirikt bahaar
Aaj se hii taiyaarii kar
Kal kii khaatir, mere yaar
Karne ko, hai kyaa dushvaar?
Naa karne ke, sabab hazaar!!
Us par shaq bhii kiyaa karo
Jiske haathon do patvaar
Tum agar yaad rakho ge to enayat hogi..
Tum agar yaad rakho ge to enayat hogi,
warna humko bhi kahan aapse shikayaat hogi,
Zindagi dard k sehra ka unwaan sahi,
Tum agar bhool B jao to Riwayat hogi.
Wednesday, May 5, 2010
Hum Nazuk Nazuk Dil wale Bus aise hi to hote hain
Hum Nazuk Nazuk Dil wale Bus aise hi to hote hain
Kabi Hanste hain Kabi Rote hain Kabi Dil mai Khuwab pirotey hain
Kabi Mehfil Mehfil phirtey hian, Kabi Zaat mai Tanha hote hain
Kabi Chup ki Mohrr lagate hain, Kabi Geet Labon per latey hian
Kabi Sab ka Dil Behlatey hain, Kabi Khood mai Tanha hote hain
Kabi Shab-Bhar Jagte rehte hain, Kabi Lambi Taan ker sotey hain
Hum Nazuk Nazuk Dil wale Bus aise hi to hote hain
Kabi Hanste hain Kabi Rote hain Kabi Dil mai Khuwab pirotey hain
Monday, May 3, 2010
Hum se bichar ke - another pearl from 'Faraz'
Hum Se Bichar K Us Ka Takabbur Bikhar Gaya Faraz
Har Ek Se Mil Raha Hy Barii Aajzii K Saath
[ Takabbur (a.) n.: pride, arrogance ] [Aajizii (u.) adj.: humble]
Another excellent sher from 'Faraz'. It is not funny when you come across a couplet that can describe your thoughts so profoundly, and we call it poetry. :)
Har Ek Se Mil Raha Hy Barii Aajzii K Saath
[ Takabbur (a.) n.: pride, arrogance ] [Aajizii (u.) adj.: humble]
Another excellent sher from 'Faraz'. It is not funny when you come across a couplet that can describe your thoughts so profoundly, and we call it poetry. :)
Mohabbate’n
The first couplet from one of my favorite poets of modern times - Ahmed 'Faraz'
Kon Kehta Hy k Nafrato’n Main Dard Hy ‘Faraz’
Kuch Mohabbate’n Bhi Bari Aziyat-nak Hoti Hyn !!
Kon Kehta Hy k Nafrato’n Main Dard Hy ‘Faraz’
Kuch Mohabbate’n Bhi Bari Aziyat-nak Hoti Hyn !!
Subscribe to:
Posts (Atom)