Thursday, May 6, 2010
Pehli Bauchaar !!
A ode to the weather today and for a friend to cheer up !
OOmas se mat himmat haar
Le paD gayii, pehlii baucHaar
Hariyaali ke swaagat mein
Toofaan ka saadar sweekaar
Sarwar nadi sabko mat laa
Naachein - jhoom, hilorein maar
Daanaa paanii walon se
keh, jaan - apne bhandaar
Maruthal tak pahunchaanii hai
Maidaan kii barsaatii dhaar
Shehron mein bhii laanii hai
Gaanvon kii, atirikt bahaar
Aaj se hii taiyaarii kar
Kal kii khaatir, mere yaar
Karne ko, hai kyaa dushvaar?
Naa karne ke, sabab hazaar!!
Us par shaq bhii kiyaa karo
Jiske haathon do patvaar
Subscribe to:
Post Comments (Atom)
No comments:
Post a Comment